Да Міжнароднага дня роднай мовы у нашай дзіцячай установе прайшло шэраг мерапрыемстваў, у якіх удзельнічалі выхаванцы старэйшай групы. З дзяцінства чалавек павінен ганарыцца сваёй нацыянальнай прыналежнасцю, любіць сваю Радзіму, ведаць родную мову, цікавіцца культурай і гісторыяй свайго народу.
Для нашых выхаванцаў гэты дзень быў вельмі насычаным і змястоўным. У свеце многа моў, але толькі адна з іх родная. Менавіта, яна для чалавека самая прыгожая, любімая і дарагая. Гэтае свята стала выдатнай нагодай, каб узгадаць мову нашага народа, самім загаварыць на ёй і разам правесці дзень роднай мовы. З самага ранку дзеці падарылі свой настрой адзін аднаму беларускай заклічкай “Сонейка, сонца…”, затым апынуліся на парозе незвычайнага падарожжа, дзе ўспомнілі беларускія народныя казкі, наведалі выставу “Беларускія пісьменнікі і мастакі – усё для дзяцей”. На фізкультурным занятку выхаванцы змаглі успомніць і вывучыць новыя беларускія гульні, на музычным занятку апынуцца ў свет чароўнай, меладычнай беларускай музыкі.
Нашы бацькі таксама змаглі паўдзельнічаць у мерапрыемствах у анлайн рэжыме. Дзе для іх была прапанавана эксклюзіў – віктарына “Скажы на беларускай мове”. Смак роднай мовы не павінен забывацца на наступны дзень. Калі ты нарадзіўся беларусам, калі ты жывеш на беларускай зямлі, нельга не любіць родную мову. Менавіта, яна злучае людзей у адзіны народ. Любіце родную мову, шануйце яе і вучыце сваіх дзяцей! Яны наша будучыня і наша апора!
разгарнуць » / « згарнуць